पहूर येथील हर्षदा चौधरीचे शिष्यवृत्ती परीक्षेत यश!!

पहूर  प्रतिनिधी-ता जामनेर

दिशा लाईव्ह न्यूज ---:::----येथील पहूर ग्रुप एज्युकेशन सोसायटी संचलित आर .टी .लेले हायस्कूल व कनिष्ठ महाविद्यालयाची इ . ८ वीची विद्यार्थिनी कु. हर्षदा सुनिल चौधरी हिने ९८ गुण प्राप्त केले असून   राष्ट्रीय आर्थिक दृष्ट्या दुर्बल घटक शिष्यवृत्तीसाठी ती  पात्र ठरली आहे .

     तिच्यासह शाळेतील शाळेच्या श्रेया गोरख महाजन , तृप्ती विजय चौधरी , मानसी मनोज बावस्कर , कीर्ती विजय सुरडकर , रवी विनोद खाटीक या   सहा विद्यार्थ्यांनी  या परीक्षेत चांगली कामगिरी केली आहे .

   हर्षदाच्या उत्तुंग यशाबद्दल तिचा आई-वडिलांसह शाळेत मुख्याध्यापक एस आर सोनवणे यांच्या हस्ते पुष्पगुच्छ देऊन सत्कार करण्यात आला . यावेळी संस्था प्रतिनिधी किशोर पाटील , ज्येष्ठ शिक्षक विजय बोरसे , योगेश मालकर ,  आर . टी .देशमुख , अनिल पाटील ,  गोपाळराव थोरात , गिरीश भामेरे , संतोष भडांगे यांच्यासह सर्व शिक्षक शिक्षकेतर कर्मचारी उपस्थित होते .

शाळेच्या या यशाबद्दल पालकांमधून अभिनंदन होत आहे .