जळगाव छत्रपती संभाजी नगर राष्ट्रीय महामार्गावर अपघात ट्रॅक्टरच्या धडकेने कोसळले दोन वीज खांब ; आयशर चढली नालीवर वीज पुरवठा खंडित ; मोठी दुर्घटना टळली

पहूर  प्रतिनिधी-:-ता जामनेर

दिशा लाईव्ह न्यूज--::---जळगाव छत्रपती संभाजी नगर राष्ट्रीय महामार्ग क्रमांक 753f वर आज सोमवारी रात्री ९ वाजेच्या सुमारास झालेल्या अपघातात ट्रॅक्टरने धडक दिल्याने दोन वीज खांब कोसळले तर याच अपघातात आयशर ट्रक नाली वर चढला मात्र सुदैवाने कुठलीही जीवित हानी झाली नाही .

       महामार्गावर पहूरकडून वाकोदकडे जाणाऱ्या ट्रॅक्टरने ( एम एच . १९ सी झेड ४७ १६ )जबर धडक दिल्याने दोन वीज खांब खाली कोसळून ट्रॅक्टरची ट्रॉली उलटली . ट्रॉलीतील बांधकाम साहित्य महामार्गावर  विखुरल्याने वाहतुकीलाही काही काळ अडथळा निर्माण झाला होता . या अपघातात गोंधळलेल्या अवस्थेत छत्रपती संभाजीनगर कडून जळगाव कडे येणारी आयशर ट्रक ( क्र . एम . एच . २० जी झेड . २५ ३० ) चक्क नाली वर चढल्याने मोठी दुर्घटना टळली .

तात्काळ आजूबाजूच्या लोकांनी घटनास्थळी धाव घेऊन अपघातग्रस्त वाहने आणि वीज खांब वायरमन पोलीस कर्मचारी आणि मदतनिसांच्या सहकार्याने व्यवस्थित केले .

    यामुळे काही काळ वीजपुरवठा खंडित झाला होता .