पहूर पेठ उपसरपंच पदी राष्ट्रवादीचे शरद पांढरे यांची निवड--फटाके फोडून कार्यकर्त्यांनी केला आनंदोत्सव साजरा..

 

 शंकर  भारंबे ,पहूर , ता . जामनेर ( ता . ३० ) पहूर पेठ ग्रुप ग्रामपंचायतीच्या उपसरपंच पदी आज झालेल्या निवडणुकीत राष्ट्रवादी काँग्रेसचे शरद भागवत पांढरे यांची निवड झाली .

   जामनेर तालुक्यातील महत्त्वपूर्ण असलेल्या पेठ ग्रुप ग्रामपंचायतीची ५  नोव्हेंबर रोजी निवडणूक झाली होती . यात राष्ट्रवादी काँग्रेसचा ११  जागांवर विजय झाला होता  तर  सरपंच पदी अबू तडवी यांच्यासह भाजपचे ७ उमेदवार निवडून आले होते .

      दरम्यान आज गुरुवारी ( ता . ३० ) पहूर पेठ , सांगवी ,  खर्चाणे ग्रुप ग्रामपंचायतीच्या सभागृहात दुपारी उपसरपंच पदाची निवड प्रक्रिया पार पडली .राष्ट्रवादी काँग्रेस तर्फे शरद पांढरे व राजू जेंटलमन यांनी  तर भाजपतर्फे महेश पाटील व हिना कौसर अशा चौघांनी अर्ज दाखल केले . 

 राजू जेन्टलमन व महेश पाटील माघार घेतल्याने अखेरीस शरद पांढरे व हिना कौसर बी शेख यांच्यात मतदान झाले .  शरद पांढरे यांना ११ तर हिना कौसर यांना ७ मते मिळाली .पिठासीन अधिकारी ऋषिकेश जाधव ,  निवडणूक निर्णय अधिकारी ग्रामविकास अधिकारी डी . पी .  टेमकर उपस्थित होते . सभेचे अध्यक्ष लोकनियुक्त सरपंच अबू तडवी निवड सरपंच पदी शरद पांढरे यांची निवड झाल्याची घोषणा केली . 

 शरद पांढरे यांचे पॅनल प्रमुख प्रदीप लोढा यांनी पुष्पहार अर्पण करून अभिनंदन केले .कार्यकर्त्यांनी फटाक्यांची आतषबाजी करून आनंदोत्सव साजरा केला .