पहूर येथे सावित्रीबाई फुले विद्यालयात एड्स निर्मुलन दिन .पोस्टर प्रदर्शनाद्वारे जागृती .पहूर ग्रामीण रुग्णालय आणि शाळेच्या ' रेड रिबन क्लब 'चा स्तुत्य उपक्रम!

शंकर भामेरे ,पहूर , ता . जामनेर ( ता . १ ) येथील महात्मा फुले शिक्षण संस्था संचलित सावित्रीबाई फुले माध्यमिक विद्यालयात आज शुक्रवारी  (ता .१  ) जागतिक एड्स निर्मूलन दिनानिमित्त पोस्टर प्रदर्शनी व मार्गदर्शन शिबिर आयोजित करण्यात आले .

   ग्रामीण रुग्णालय पहुर आणि सावित्रीबाई फुले माध्यमिक विद्यालयाच्या ' रेड रिबन क्लब ' तर्फे आज जागतिक एड्स निर्मूलन दिनाचे औचित्य साधून   विद्यार्थ्यांना मार्गदर्शन करण्यात आले . 

  ग्रामीण रुग्णालयाच्या आयसीटी कक्षाच्या समुपदेशक सोनल तायडे यांनी विद्यार्थ्यांना मार्गदर्शन केले . एड्सची  कारणे , लक्षणे , परिणाम , प्रतिबंधात्मक उपायोजनांविषयी त्यांनी माहीती सांगीतली . प्रारंभी शिक्षकांनी एड्स निर्मुलनाची  शपथ घेतली . 

शाळेच्या मुख्याध्यापिका श्रीमती व्ही . व्ही . घोंगडे यांनी प्रास्ताविक करून स्वागत केले . 

पोस्टर प्रदर्शनाद्वारे विद्यार्थ्यांनी माहीती घेतली . यावेळी सर्व शिक्षक शिक्षकेतर कर्मचारी विद्यार्थी मोठ्या संख्येने उपस्थित होते . लिंक वर्कर रजनी जैन यांचे  मोलाचे सहकार्य लाभले . रेड रिबन क्लबचे अध्यक्ष शंकर भामेरे यांनी सुत्रसंचालन केले . यावेळी  विद्यार्थ्यांच्या शंकांचे निरसन करण्यात आले .