पहूर येथे २८ दात्यांचे रक्तदान पत्रकार संघटना व पोलीस ठाण्याचा संयुक्त उपक्रम इंडियन रेड क्रॉस सोसायटीचे सहकार्य

 दिशा लाईव्ह न्यूज -:- शंकर भामेरे, पहूर , ता . जामनेर ( ता . १० ) पत्रकार दिन व महाराष्ट्र पोलीस स्थापना दिनाचे औचित्य साधून शहर पत्रकार संघटना व पहूर पोलीस ठाणे यांच्या संयुक्त विद्यमाने रेड क्रॉस सोसायटी जळगाव यांच्या सहकार्याने आज शुक्रवारी ( ता . १० ) पोलीस ठाण्याच्या आवारात आयोजित शिबिरात २८ दात्यांनी रक्तदान केले .

 पोलीस निरीक्षक सचिन सानप  यांनी स्वतः रक्तदान करून शिबिराचे उद्घाटन केले . अध्यक्ष स्थानावरून बोलताना त्यांनी रक्तदानाचे महत्त्व विशद केले . प्रारंभी दर्पणकार आचार्य बाळशास्त्री जांभेकर यांच्या प्रतिमेचे पूजन करण्यात आले . 

शहर पत्रकार संघटनेचे अध्यक्ष रवींद्र लाठे यांनी प्रास्ताविक केले. .माजी सभापती प्रदीप लोढा , माजी सभापती बाबुराव घोंगडे , माजी जिल्हा परिषद सदस्य राजधर पांढरे , ॲड . एस .आर . पाटील ,  रामेश्वर पाटील ,  मनोगत व्यक्त केले . रेड क्रॉस सोसायटीचे डॉ .ए  .डी . चौधरी ,   शंकर जाधव , शरद पांढरे ,  विनोद थोरात , योगेश भडांगे , योगेश बनकर , रवी मोरे , ईश्वर देशमुख ,  राजू जेंटलमन ,   उपनिरीक्षक भरत दाते , पोलीस उपनिरीक्षक नंदकुमार शिंब्रे , इस्माईल शेख ,  सरफुद्दीन शेख   यांच्यासह मान्यवर उपस्थित होते .

 यावेळी  पोलीस कर्मचारी , पत्रकार बांधव , तरुणांनी रक्तदान केले . यशस्वीतेसाठी उपाध्यक्ष जयंत जोशी , शरद बेलपत्रे , रवींद्र घोलप ,  डॉ . संभाजी क्षीरसागर , प्रवीण कुमावत , शांताराम लाठे , गणेश पांढरे ,  सादिक शेख  , हरिभाऊ राऊत ,  किरण जाधव  यांच्यासह  सर्व पत्रकार व पोलीस कर्मचारी यांचे सहकार्य लाभले . सूत्रसंचालन सचिव शंकर भामेरे यांनी केले . आभार मनोज जोशी यांनी मानले .