नांद्रा प्र.लो. तालुका जामनेर येथे नैसर्गिक शेती मिशन अंतर्गत गाव पातळीवरील शेतकरी प्रशिक्षण संपन्न!!लोहारा येथील कृषिभूषण विश्वासराव पाटील यांची उपस्थिती. उपस्थित शेतकऱ्यांना केले मार्गदर्शन.

दिशा लाईव्ह न्यूज -:- दिवाकर पाटील,नांद्रा-----कृषी विभागाच्या वतीने डॉक्टर पंजाबराव देशमुख नैसर्गिक शेती मिशन 2024 - 25 अंतर्गत गाव पातळीवरील शेतकरी प्रशिक्षण शिबिर नांद्रा प्र. लो. येथे आयोजित करण्यात आले. 

कार्यक्रमाची सुरुवात माती पूजन तसेच जिजाऊ मातेच्या प्रतिमा पूजनाने करण्यात आली. कार्यक्रमाच्या अध्यक्षस्थानी सौ. ममता मिलिंद गांगुर्डे ग्रामपंचायत सदस्य तथा अध्यक्ष महिला शेतकरी  गट या होत्या.

 प्रमुख मार्गदर्शक कृषी भूषण पुरस्कार प्राप्त श्री. विश्वासराव पाटील यांनी मार्गदर्शन केले. यावेळी प्रमुख मान्यवर म्हणून कृषि अधिकारी श्री. एस. ओ. अहिरे तसेच श्री. बी.के. चिमकर , श्री. नकुले, श्री. राहुल निकम उपस्थित होते.

कृषीभूषण श्री. विश्वासराव पाटील यांनी उपस्थित शेतकरी प्रशिक्षणार्थींना" जमिनीला श्रीमंत करा, तुम्ही श्रीमंत व्हाल. तसेच नैसर्गिक शेतीच्या मूलभूत बाबी समजून घेतल्या पाहिजे. बहुपीक पद्धतीचा वापर करावा. पिकाची फेरपालट जमिनीचा आत्मा आहे तसेच जीवांनी जीवांसाठी केलेली शेती म्हणजेच सेंद्रिय शेती." अशी सविस्तर नैसर्गिक शेतीबाबत माहिती सांगितली .

तसेच स्वानुभव कथन करीत  कुणब्याची छडी ही कविता उपस्थितांसमोर सादर केली.

कार्यक्रमाची प्रस्तावना,  प्रमुख मार्गदर्शन व कृषीविषयक योजनांची माहीती कृषि अधिकारी श्री. अहिरे  यांनी केली.

     डॉ. संदीप पाटील, सहाय्यक पशुधन विकास अधिकारी, नाचणखेडा यांनी पशुपालनातून शाश्वत उत्पन्न व आधुनिक पशुपालन कसे करावे. मुक्त गोठा मुक्त संचार गोठा बाबत सविस्तर माहिती सांगितली व दुधाळ जनावरे निवडीच्या पद्धती व कसे निवड कशी करावी याबाबत मार्गदर्शन केले. गावाचे आर्थिक उत्पन्न वाढीसाठी शेतीला उत्तम जोड व्यवसाय म्हणून पशुपालन करण्याचे आवाहन केले.

श्री. नकुले यांनी कार्यक्रमाचे विवेचनात्मक विश्लेषण केले.

      श्री. दिवाकर पाटील प्रगतीशील शेतकरी नांद्रा यांनी मी 1996 पासून नैसर्गिक शेतीकडे कशी केली व यामुळे माझ्या शेतीमध्ये काय बदल झाले याबाबत माहिती सांगितली. यावेळी नांद्रे गावातील प्रगतिशील शेतकरी श्री. दिवाकर पाटील व देशी गिर गोवंश पाळणारे दूध उत्पादक शेतकरी श्री. सुनील पाटील यांचा सत्कार प्रमुख पाहुणे वक्ते कृषिभूषण श्री. विश्वासराव पाटील यांनी केला.

        श्री. राहुल निकम यांनी कृषि विषयक योजनांची माहीती दिली व कार्यक्रमाचे आभार प्रदर्शन केले.