जिल्हाधिकाऱ्यांनी भरविली शिक्षकांची शाळा शिक्षक हा शिक्षणाचा केंद्रबिंदू : जिल्हाधिकारी आयुष प्रसाद सुमारे ४२५ शिक्षकांचा सहभाग जिल्हास्तरीय गुणवत्ता विकास कार्यशाळा

दिशा लाईव्ह न्यूज, शंकर भामेरे-ता . जामनेर ( ता . ६ )

शिक्षक हा शिक्षण प्रक्रियेचा केंद्रबिंदू असून शिक्षकांनी स्वयंप्रेरणेने विद्यार्थी घडविण्यासाठी झोकून द्यावे, असे प्रतिपादन जिल्हाधिकारी आयुष्य प्रसाद यांनी केले .

जिल्हा शिक्षण व प्रशिक्षण संस्था जळगाव आणि प्राथमिक व माध्यमिक शिक्षण विभाग , जिल्हा परिषद यांच्या जळगाव यांच्या संयुक्त विद्यमाने जी .एच . रायसोनी अभियांत्रिकी व व्यवस्थापन महाविद्यालयात आयोजित जिल्हास्तरीय गुणवत्ता विकास कार्यशाळेत ते बोलत होते .

जिल्हा शिक्षण व प्रशिक्षण संस्थेचे प्राचार्य डॉ . अनिल झोपे यांनी प्रस्ताविकेतून जिल्ह्याच्या गुणवत्तेची सद्यस्थिती मांडली . प्राथमिक शिक्षणाधिकारी विकास पाटील यांनी मार्गदर्शन केले .

जिल्हा परिषदेचे मुख्य कार्यकारी अधिकारी श्री .अंकित यांनी दहा दिवस गणितासाठी उपक्रमाची उपयुक्तता विशद केली .

याप्रसंगी माध्यमिक शिक्षणाधिकारी डॉ . कल्पना चव्हाण , रायसोनी ग्रुपच्या प्रीती अग्रवाल , अधिव्याख्याता डॉ . जगन्नाथ दरंदले मंचावर उपस्थित होते . सूत्रसंचालन वरिष्ठ अधिव्याख्याता प्रा . डॉ . चंद्रकांत साळुंखे यांनी केले .