जुळ्या बाळांना जन्म देऊन आई गेली निजधामाला चिमुकल्यांचे हरपले मातृछत्र ; दोन वर्षातील चौथी घटना पहूर गावावर शोककळा

पहूर प्रतिनिधी-:-  ता जामनेर

दिशा लाईव्ह न्यूज --::-- जुळ्या बाळांना जन्म देऊन आई निजधामाला गेल्याची दुर्दैवी घटना ( ता  . १७ ) सोमवारी दुपारी दीड वाजेच्या सुमारास घडली .

      जामनेर तालुक्यातील पहुर कसबे येथील रहिवाशी सौ . माधुरी अक्षय जाधव यांना प्रसूतीसाठी जळगाव येथे खाजगी रुग्णालयात  दाखल करण्यात आले होते .  आज सोमवारी सकाळी ७ - ३० वाजेच्या त्या प्रसूत होऊन त्यांनी दोन गोंडस बाळांना ( मुले ) जन्म दिला . मात्र दुर्दैवाने त्यांचे उपचारादरम्यान दुपारी १ - ३० वाजता  त्यांचे निधन झाले .  रक्तदाब कमी झाल्याने त्यांचा मृत्यू झाल्याचे प्रथमदर्शनी सांगण्यात आले .

 जिल्हा शासकीय रुग्णालय व वैद्यकीय महाविद्यालयात शवविच्छेदन करण्यात आले .गेल्या दोन वर्षातील पहूर गावातील ही चौथी घटना आहे .

सायंकाळी आठ वाजता शोकाकुल वातावरणात त्यांच्यावर वैकुंठ धाम स्मशानभूमी अंत्यसंस्कार करण्यात आले .

धुळे येथे राज्य राखीव दलात कार्यरत असलेले अक्षय रमेश जाधव यांच्या त्या पत्नी होत .

सावित्रीबाई फुले माध्यमिक विद्यालयाच्या त्या माजी विद्यार्थिनी होत्या . त्यांचा हसतमुख आणि मनमिळाऊ स्वभाव होता .  त्या शाळेत हुशार विद्यार्थिनी म्हणून  परिचित होत्या . विवाह नंतर देखील त्यांचे उच्च शिक्षण सुरू होते . त्यांच्या निधनामुळे पहूर गावावर शोककळा पसरली आहे .