कुऱ्हाड तांडा येथील कर्जबाजारी शेतकऱ्याची गळफास घेऊन आत्महत्या!! या वर्षी खरीप हंगामाचे उत्पन्न कमी आल्याने घेतला टोकाचा निर्णय

 

             कुऱ्हाड प्रतिनिधी-:- सुनील लोहार.

  दिशा लाईव्ह न्यूज -:-  पाचोरा तालुक्यातील कुऱ्हाड तांडा येथे कर्जबाजारी शेतकऱ्याने गळफास घेऊन आत्महत्या केल्याची घटना गुरुवारी सायंकाळी घडली.

कुऱ्हाड तांडा येथील शेतकरी गजानन मदन तवर वय 56 या शेतकऱ्याने आपली तिन्ही मुले परराज्यात ऊसतोडणी साठी गेली असता, व पत्नी शेतात गेली असता सायंकाळच्या वेळेस एकटे घरी राहत राहत्या घरी आतून दरवाजा लाऊन गळफास घेऊन आत्महत्या केली.

सायंकाळी पत्नी शेतातून आल्यानंतर हा प्रकार उघडकीस आला.मयत शेतकऱ्याच्या नावावर दोन ते तीन बिघे शेती होती.या वर्षी शेतात खरीप हंगामाने साथ न दिल्याने ,तसेच लागवड केलेल्या कापसाचे उत्पन्न अत्यल्प येत व आहे जो घरात आलेला कापूस , त्यास भाव न राहिल्याने या शेतकऱ्याने टोकाचा निर्णय घेतला.

सदर शेतकऱ्यावर विकास सोसायटी तसेच खाजगी बँका चे देखील कर्ज होते,कर्ज कसे फिटेल या विविंचनेत या शेतकऱ्याने आत्महत्या केल्याचे सांगितले जात आहे.

सदर घटनेची माहिती पोलीस पाटील संतोष कोळी यांनी पिंपळगाव हरे पोलीस स्टेशन ला कळवली असून  नातेवाईकांनी मयताचे शव  शवविच्छेदन साठी पाचोरा येथील ग्रामीण रुग्णालयात हलविले.