महिला दिनी ‘वर्मा मॅडम विथ वर्मा मॅडम’ : अविस्मरणीय योगायोगाचा सुंदर क्षण-दोघांची सामाजिक जीवनात अविस्मरणीय अविस्मरणीय कामगिरी.

(शब्दांकन: राजेंद्र खैरनार,)

पाचोरा 

 दिशा लाईव्ह न्यूज--::--जागतिक महिला दिनानिमित्त आयोजित सत्कार समारंभात एक अनोखा आणि अविस्मरणीय योगायोग पाहायला मिळाला. शिक्षण क्षेत्रातील सर्वगुणसंपन्न प्राध्यापिका सौ. वर्मा मॅडम आणि पोलिस प्रशासनातील कर्तव्यदक्ष, धाडसी “सिंघम लेडीज” म्हणून ओळखल्या जाणाऱ्या सहाय्यक पोलीस निरीक्षक (API) सौ. वर्मा मॅडम यांचा एकाच व्यासपीठावर सन्मान करण्यात आला. विशेष म्हणजे दोघींचे नावही समान – वर्मा मॅडम, त्यामुळे उपस्थितांमध्ये या अनोख्या क्षणाची मोठी उत्सुकता आणि आनंद दिसून आला.

कार्यक्रमात शिक्षण क्षेत्रात विद्यार्थ्यांच्या घडणीत महत्त्वाची भूमिका बजावणाऱ्या प्राध्यापिका सौ. वर्मा मॅडम यांचे कार्य विशेष गौरविण्यात आले. विद्यार्थ्यांमध्ये ज्ञानाची ज्योत प्रज्वलित करून समाजाला सुशिक्षित बनविण्यात त्यांचे योगदान उल्लेखनीय आहे. त्याचप्रमाणे पोलिस प्रशासनात धाडसी व कर्तव्यदक्ष अधिकारी म्हणून कार्यरत असलेल्या एपीआय (API) सौ. वर्मा मॅडम यांनी कायदा व सुव्यवस्था राखताना समाजात महिलांच्या सुरक्षिततेसाठी केलेले कार्यही तितकेच प्रेरणादायी ठरले आहे.

महिला दिनाच्या पवित्र निमित्ताने शिक्षण आणि सुरक्षा या दोन वेगवेगळ्या क्षेत्रांत उल्लेखनीय कार्य करणाऱ्या या दोन कर्तृत्ववान महिलांचा सन्मान एकाच वेळी होत असताना उपस्थितांनी टाळ्यांच्या कडकडाटात त्यांचे स्वागत केले. “वर्मा मॅडम विथ वर्मा मॅडम” असा हा दुर्मिळ योगायोग सर्वांसाठी एक आनंददायी आणि स्मरणीय क्षण ठरला.

या प्रसंगी उपस्थित मान्यवरांनी दोन्ही वर्मा मॅडम यांच्या कार्याचे कौतुक करत महिलांनी प्रत्येक क्षेत्रात पुढे येऊन समाजासाठी प्रेरणादायी कार्य करावे, असे आवाहन केले. कार्यक्रमात उपस्थित नागरिकांनीही या अविस्मरणीय क्षणाचे साक्षीदार होत दोन्ही कर्तृत्ववान महिलांना पुढील वाटचालीस शुभेच्छा दिल्या.

महिला दिनाच्या निमित्ताने घडलेला हा अनोखा योगायोग केवळ दोन व्यक्तींचा सन्मान नव्हता, तर समाजातील महिलांच्या कर्तृत्वाचा गौरव करणारा आणि प्रेरणा देणारा एक सुंदर, अविस्मरणीय क्षण ठरला.