फलटण तालुका कार्याध्यक्षपदी श्री प्रमोददादा रोहेकर महानुभाव यांची निवड

दिशा लाईव्ह न्यूज --::---द युवा ग्रामीण पत्रकार संघ, महाराष्ट्र राज्याच्या वतीने सामाजिक, धार्मिक व पत्रकारितेच्या क्षेत्रात उल्लेखनीय कार्य करणारे श्री प्रमोददादा रोहेकर महानुभाव यांची फलटण तालुका कार्याध्यक्षपदी निवड करण्यात आली आहे. त्यांच्या या निवडीबद्दल विविध स्तरांतून अभिनंदनाचा वर्षाव होत आहे.

संघटनेचे संस्थापक अध्यक्ष आदरणीय अनिलराव ढेकळे, राज्याध्यक्ष शकील इनामदार तसेच सातारा जिल्हाध्यक्ष पांडुरंग कांबळे यांच्या मार्गदर्शनाखाली ही निवड करण्यात आली. तसेच तालुका अध्यक्ष अमित कदम यांच्या शिफारशीवरून रोहेकर यांची नियुक्ती निश्चित करण्यात आली.

श्री प्रमोददादा रोहेकर हे तडसर (ता. फलटण) येथील रहिवासी असून, त्यांनी सामाजिक, धार्मिक व पत्रकारितेच्या माध्यमातून सातत्याने जनसेवा केली आहे. श्रीकृष्ण मंदिर व श्री स्वामी समर्थ पाठशाळा यांसारख्या धार्मिक उपक्रमांत सक्रिय सहभाग घेत त्यांनी समाजात एक वेगळी ओळख निर्माण केली आहे.

आधुनिक युगात सोशल मीडियाचे महत्त्व ओळखून त्यांनी डिजिटल माध्यमांतूनही जनजागृतीचे प्रभावी कार्य केले आहे. त्यांच्या प्रभावी लेखनशैलीमुळे आणि समाजाभिमुख विचारांमुळे विविध उपक्रमांमध्ये त्यांना विशेष मान्यता मिळाली आहे. गेल्या काही वर्षांपासून ते विविध क्षेत्रांतील मान्यवरांशी सुसंवाद साधत सामाजिक कार्यात सातत्य ठेवत आहेत.

त्यांच्या कार्यतत्परतेमुळे आणि जनसंपर्कामुळे ग्रामीण भागात त्यांनी विश्वासार्हता निर्माण केली आहे. त्यामुळेच द युवा ग्रामीण पत्रकार संघाने त्यांच्यावर ही महत्त्वाची जबाबदारी सोपवली आहे.

या निवडीमुळे संघटनेच्या कार्याला अधिक गती मिळेल, तसेच ग्रामीण पत्रकारांना एकत्रित करून संघटनात्मक बळकटी देण्याचे काम ते प्रभावीपणे करतील, असा विश्वास संघटनेच्या पदाधिकाऱ्यांनी व्यक्त केला आहे.

दरम्यान, त्यांच्या निवडीबद्दल सामाजिक, धार्मिक, पत्रकारिता क्षेत्रातील मान्यवर तसेच मित्रपरिवाराकडून अभिनंदनाचा वर्षाव होत असून, त्यांच्या पुढील कार्यासाठी शुभेच्छा दिल्या जात आहेत.