दिशा लाईव्ह न्यूज--::-- जळगाव जिल्ह्यातील जामनेर येथून सुरतच्या दिशेने जाणाऱ्या एका राज्य परिवहन (ST) महामंडळाच्या बसचा बारडोलीजवळ भीषण अपघात झाल्याची धक्कादायक घटना समोर आली आहे. या अपघातानंतर बसने अचानक पेट घेतला. या दुर्घटनेत प्राथमिक माहितीनुसार ७ प्रवाशांचा होरपळून मृत्यू झाला असून ३३ प्रवासी गंभीर जखमी झाले आहेत. जळगावचे जिल्हाधिकारी यांनी या संपूर्ण घटनेबाबत सविस्तर माहिती दिली आहे.
सकाळी निघाली होती बस: जिल्हाधिकाऱ्यांनी दिलेल्या माहितीनुसार, ही बस सकाळी साडेसात वाजताच्या सुमारास जामनेर येथून सुरतसाठी निघाली होती. ] दुपारच्या सुमारास, म्हणजेच साडेतीन वाजेच्या आसपास बारडोलीजवळ बसला हा भीषण अपघात झाला.
ड्रायव्हरसह ७ जणांचा मृत्यू, ३३ जखमी: अपघातानंतर बसला लागलेल्या भीषण आगीत जळगाव जिल्ह्यातील कुऱ्हे येथील रहिवासी असलेले एसटी बसचे ड्रायव्हर यांचा मृत्यू झाला आहे. ] याशिवाय इतर ६ प्रवाशांचाही होरपळून मृत्यू झाल्याची प्राथमिक माहिती आहे. ] अपघातातील ३३ गंभीर जखमी प्रवाशांना उपचारासाठी तातडीने बारडोली येथील 'सरदार पटेल हॉस्पिटल' आणि 'ओमसाई हॉस्पिटल'मध्ये दाखल करण्यात आले आहे.
ओळख पटवण्यात अडचणी, डीएनए चाचणी केली जाणार: आगीची तीव्रता जास्त असल्याने मृतदेह मोठ्या प्रमाणावर जळाले आहेत, ज्यामुळे मृत व्यक्तींची ओळख पटवणे सध्या प्रशासनासाठी अवघड जात आहे. मृतदेहांची ओळख पटवण्यासाठी 'डीएनए सॅम्पल' (DNA Sample) घेण्याची प्रक्रिया सुरत प्रशासनाकडून केली जात आहे.
प्रशासनाकडून मदत कार्य सुरू: घटनेची माहिती मिळताच जळगाव जिल्हाधिकाऱ्यांनी सुरतचे जिल्हाधिकारी आणि बारडोलीच्या एसडीएम (SDM) यांच्याशी थेट संपर्क साधून परिस्थितीचा आढावा घेतला आहे. एसटी महामंडळाचे प्रादेशिक व्यवस्थापक (रिजनल मॅनेजर) आणि प्रशासनाची टीम घटनास्थळी व हॉस्पिटलमध्ये पोहोचली आहे.
जखमींवर योग्य उपचार केले जात असून, त्यांच्या खाण्या-पिण्याची व राहण्याची व्यवस्था करण्यात आली आहे. जे लोक सुरक्षित आहेत किंवा उपचारानंतर बरे होतील, त्यांना परत आणण्यासाठी तातडीने वाहतुकीची (ट्रान्सपोर्ट) व्यवस्था प्रशासनातर्फे केली जात आहे, असे जिल्हाधिकाऱ्यांनी स्पष्ट केले.
.jpg)
Post a Comment
0 Comments