💐 हार्दिक अभिष्टचिंतन 💐 प्रतिभावंत, अभ्यासू, तत्त्वनिष्ठ आणि प्रामाणिक पत्रकारितेचा आदर्श असलेले ज्येष्ठ पत्रकार,दिशा लाईव्ह न्युजचे मार्गदर्शक व लोकमतचे निवृत्त प्रतिनिधी आदरणीय महेंद्र (आप्पा) शेळके यांना वाढदिवसाच्या मनःपूर्वक शुभेच्छा!

दिशा लाईव्ह न्यूज --::--सुमारे ३२ वर्षे 'लोकमत' या अग्रगण्य दैनिकामध्ये निस्वार्थ, निर्भीड आणि निःपक्षपाती पत्रकारिता करत त्यांनी समाजासमोर सत्य मांडण्याचे व्रत अखंडपणे जोपासले. पत्रकारिता ही केवळ उपजीविकेचे साधन नसून समाजाप्रती असलेली जबाबदारी आहे, हे त्यांनी आपल्या कार्यातून सिद्ध केले. सत्याची बाजू घेणे, चुकीला चूक म्हणण्याचे धैर्य ठेवणे, स्पष्ट आणि परखड भूमिका मांडणे तसेच कोणत्याही व्यक्तीविषयी मनात कटुता न बाळगता सर्वांशी आत्मीयतेने वागणे, ही त्यांची वैशिष्ट्यपूर्ण ओळख आहे.

उच्चशिक्षित, अभ्यासू, शांत, संयमी आणि स्वाभिमानी व्यक्तिमत्त्व म्हणून त्यांचा सर्वत्र सन्मान केला जातो. पत्रकारितेतील त्यांच्या अनुभवाचा लाभ अनेक नवोदित पत्रकारांना झाला आहे. माझ्यासाठी तर ते नेहमीच मार्गदर्शक, प्रेरणास्थान आणि ज्येष्ठ बंधू राहिले आहेत. दिशा लाईव्ह न्यूज'च्या वाटचालीत त्यांनी वेळोवेळी दिलेले योग्य मार्गदर्शन, अचूक सल्ला आणि प्रोत्साहन हे माझ्यासाठी अमूल्य ठरले आहे. म्हणूनच आम्ही सर्वजण त्यांना प्रेमाने "आप्पा" या नावाने हाक मारतो.

मागील तीन-चार वर्षांपासून त्यांनी सक्रिय पत्रकारितेतून निवृत्ती घेतली असली, तरी समाजाविषयीची त्यांची तळमळ, अभ्यासू वृत्ती आणि योग्य विचार आजही कायम आहेत. सध्या ते आपल्या कुटुंबासोबत आनंदाने वेळ घालवत असून, त्यांना त्यांच्या सौभाग्यवतींचा कायम भक्कम आधार लाभला आहे. त्यांची मुलेही उच्चशिक्षित असून आपल्या कार्यक्षेत्रात यशस्वीपणे कार्यरत आहेत. हे सर्व त्यांच्या कुटुंबातील संस्कार, शिस्त आणि मूल्यांचीच साक्ष देणारे आहे.

त्यांच्या व्यक्तिमत्त्वामागे त्यांच्या कुटुंबाचीही मोठी परंपरा आहे. त्यांचे वडील आदरणीय आबासो,भि. शा. शेळके हे निवृत्त मुख्याध्यापक असून शेंदूर्णी एज्युकेशन संस्थेचे माजी चेअरमन म्हणून त्यांनीही शिक्षण क्षेत्रात मोलाचे योगदान दिले आहे. त्या संस्कारांचा ठसा महेंद्र आप्पांच्या विचारांमध्ये आणि कार्यात स्पष्टपणे जाणवतो.

आई जगदंबेच्या चरणी प्रार्थना की, आदरणीय महेंद्र (आप्पा) शेळके यांना उत्तम आरोग्य, सुख, समाधान, दीर्घायुष्य आणि अखंड आनंद लाभो. त्यांनी आपल्या अनुभवाच्या प्रकाशाने पुढील पिढीलाही असेच प्रेरित करत राहावे, हीच मनःपूर्वक सदिच्छा.

🌹 वाढदिवसाच्या हार्दिक शुभेच्छा व मंगलमय शुभाशिर्वाद! 🌹

शुभेच्छुक :