काळाची आव्हाने पेलण्यासाठी विद्यार्थ्यांच्या क्षमता वाढवा : डॉ . अनिल झोपे जामनेर येथे तालुकास्तरीय शिक्षक क्षमता वृद्धी प्रशिक्षण उत्साहात

दिशा लाईव्ह न्यूज-शंकर भामेरे,पहूर , ता . जामनेर  (  ता . १३) एकविसाव्या शतकातील नवनवीन आव्हाने पेलण्यासाठी विद्यार्थ्यांच्या विविध क्षमता वृद्धिंगत करणे शिक्षकांचे कर्तव्य असून त्यासाठी शिक्षकांनीही स्वतःच्या विविध क्षमतांचा विकास करायला हवा , असे आवाहन जिल्हा शिक्षण व प्रशिक्षण संस्थेचे प्राचार्य डॉ . अनिल झोपे यांनी केले . ते इंदिराबाई ललवाणी विद्यालयात आयोजित तालुकास्तरीय शिक्षक क्षमता वृद्धी प्रशिक्षणाच्या भेटी प्रसंगी शिक्षकांना मार्गदर्शन करताना बोलत होते .

     राज्य शैक्षणिक संशोधन व प्रशिक्षण संस्था , पुणे महाराष्ट्र व जिल्हा शिक्षण व प्रशिक्षण संस्था जळगाव यांच्या संयुक्त विद्यमाने जामनेर पंचायत समिती शिक्षण विभाग यांच्या सहकार्याने जामनेर येथे इंदिराबाई ललवाणी विद्यालयात प्राथमिक व माध्यमिक शिक्षकांसाठी नवीन राष्ट्रीय शिक्षण धोरणाच्या अनुषंगाने शिक्षक क्षमता वृद्धी प्रशिक्षणाचे आयोजन करण्यात आले आहे . तालुकाभरातून सुमारे ४००शिक्षक पहिल्या टप्प्यात सहभागी झाले आहेत .

  याप्रसंगी वरिष्ठ अधिव्याख्याता प्रा . डॉ .चंद्रकांत साळुंखे , अधिव्याख्याता प्रा . डॉ . जगन्नाथ दरंदले ,  गटशिक्षणाधिकारी रामकृष्ण लोहार , प्रशिक्षण समन्वयक महिंद्र नाईक यांची यावेळी उपस्थिती होती .

    प्रशिक्षणा दरम्यान सुलभक म्हणून पंकज रानोटकर , रणजीत जगताप , मंगला जवळेकर , डॉ . रत्नाकर सुतार , गणेश राऊत , शरद वासनकर , पंडित बावस्कर , राहुल महाजन , चंदू राजपूत , नितीन सैतवाल , ईब्राहिम शेख ,  शंकर भामेरे  यांचे मार्गदर्शन लाभत आहे .

प्रशिक्षणातील मुद्दे -

राष्ट्रीय शिक्षण धोरण , 

क्षमताधारित मूल्यांकन ,

क्षमताधारीत प्रश्न निर्मिती ,

समग्र प्रगती पत्रक ,

आनंददायी शिक्षण ,

प्रत्येक मूल शिकू शकते ,

सहध्यायी मूल्यमापन ,

मातृभाषेतून शिक्षण ,

बालवाटिकांची निर्मिती